Përmes një video-mesazhi, Keisi, i është përgjigjur për herë të parë kërkesës së vazhdueshme të Stresit, i cili ka kërkuar një reagim prej saj, pas shumë deklaratave të reperit në “Big Brother VIP Kosova”.
“Ked, këtë video po e bëj për ty pasi e kam parë që ke kërkuar një reagim prej meje. Pikë së pari, do të thoja që përsa i përket marrëdhënies sonë, gjithmonë kam dashur të qëndroj private dhe në këtë rast dua të njëjtën gjë. Kështu që, çfarë kemi ne për të diskutuar, mund ta flasim në privatësi kur të dalësh,” thotë Keisi.
Reperi ka përmendur shpesh shëndetin e Keisit, ku edhe ka treguar për një tumor që ajo ka. Sigurisht Keisi nuk është dakord dhe ka kërkuar që kjo temë të ngelet private.
“Të kam parë shumë të shqetësuar dhe të kuptoj që je në një situatë që vëzhgohesh 24/7 dhe normalisht që kam qenë pjesë e jetës tënde dhe kështu do të më përmendësh, por janë disa tema që nuk dua të përmenden më. Shëndeti im është diçka private dhe nuk dua të jap shpjegime. Thjesht të them që jam shumë mirë dhe të mos kesh merak. Por, përtej kësaj, nuk dua të përmendet si temë. Familja ime ndikohet, unë ndikohem sa herë hapet për t’u diskutuar.”
Keisi kërkon që të gjithë të respektojnë privatësinë e saj brenda në shtëpi, dhe të fokusohen tek vetja e tyre dhe njerëzit që janë brenda.
“Arkimend, kur të dalësh nga shtëpia, ta tregoj unë qejfin (qesh). Deri atëherë, shpresoj që çfarë ke për t’i thënë, t’i mbash për vete dhe t’i flasim kur të dalësh,” përfundoi ajo.
