Imami i njohur shqiptar Gazmend Aga i cili prej disa vitesh jeton në Shtetet e Bashkuara të Amerikës, ku edhe ofron shërbimet e tij për myslimanët shqiptarë që jetojnë dhe punojnë atje, ka një thirrje për politikanët.
Përmes një postimi në rrjetin e tij social Facebook, Imami shprehet ndër të tjera se”
Në këto ditë agjërimi kemi parë se pjesë e darkave që shtrohen për iftar, kanë qenë dhe politikanët tanë. Ai iu bën thirrje që të lënë të qetë besimtarët në këtë muaj të shenjtë të Ramazanit dhe të mos e përdorin politikisht.
Ja postimi i plotë i Imamit:
Na keni marrë gjithçka. Mos na e merrni edhe iftarin të paktën. Na lini diçka ku nuk jeni ju. Na lini vetëm në këtë muaj të reflektojmë e adhurojmë Zotin tonë.
Na lini pak hapësirë ku të flasim rahat për kete vend; kush e solli në këtë derexhe dhe pse akoma largohen të rinj e të reja nga një prej vendeve me potencialet më të mëdha në botë. Na lini pra të flasim për ju.
E kthyet Shqipërinë në vendin me të varfërit më të shumtë në rajon, por me politikanët më të pasur në botë.
Keni bërë aq shumë zullum, sa puna më e mirë që mund të bëni është të mos jeni shumë prezentë në çdo pore të shoqërisë.
I doli lezeti edhe atij tubimi ku mblidheshin njerëz nga kultura dhe fe të ndryshme rreth një tryeze për të ngrënë një kafshatë së bashku në shenjë harmonie e paqeje. Edhe atë e morët. Bravo ju qoftë!
