31 vjeçari Xh. K., është shpallur në kërkim pasi ka goditur më thikë , e më pas i ka marrë para dhe një telefon ish-gruas së tij.
Autori ngjarjes mësohet se është banues në Vlorë dhe nuk dihen shkaqet që kanë çuar deri në këtë krim.
“Nga specialistët për Hetimin e Krimeve të Komisariatit të Policisë Vlorë u referuan materialet në Prokurori dhe u shpall në kërkim shtetasi Xh. K., 31 vjeç, banues në Vlorë, pasi ditën e djeshme, ka goditur me mjet prerës thikë, ish-bashkëshorten, si dhe i ka vjedhur asaj një aparat celular dhe një shumë parash. Punohet për kapjen e tij.”, njofton policia.
