Dita e djeshme nuk ka qenë aspak e qetë për Prrenjasin dhe fshatrat përreth tij.
Një incident i rëndë ndodhi ditën e djeshme në një fshat pranë Prrenjasit pasi një granatë e vjetër plagosi 3 persona.
Të plagosurit janë Olsi Elezi, 45 vjeç, Yllka Bishtogu 61 vjeçe dhe Viturie Bishtogu 58 vjeçe. Sipas raportimeve mësohet se ata kanë pësuar dëmtime në kokë, këmbë dhe bark, ndërsa në gjendje tepër të rëndë ndodhet Yllka Bishtogu e cila ndodhet e shtruar te Trauma.
Dy gratë e plagosura janë kunata, ndërsa 45-vjeçari Elezi është dhëndër në familjen e tyre.
I plagosuri që kurohet në spitalin e Elbasanit, 45-vjeçari Olsi Elezi thotë se nuk e di si ndodhi ngjarja pasi ka humbur ndjenjat.
“Ishte vjehrri, duke punuar. Te këmbët jam dëmtuar. Nuk e di a ishte punuar toka. Na ra të fikët”– është shprehur Elezi.
Familjarja që po kujdeset për të thotë se edhe më herët e kanë punuar tokën ndaj janë befasuar nga ngjarja e djeshme. I plagosuri Elezi është babai i 5- fëmijëve të mitur ndërsa bashkëshortja mësohet se vuan nga probleme shëndetësore.
“Nuk ka qenë e rrezikshme pasi ka qenë shtëpi, toka ka qenë e punuar cdo vit. Nuk dimë ca të themi. Njëra ka dalë, tjetra më mirë është”– u shpreh familjarja.
