Dashje pa dashje, brenda katër mureve të shtëpisë më të madhe, Big Brother Albania në biseda të shumta banorët përfshijnë dhe personazhe publik në diskurset e tyre.
Sëfundmi, Luizi në një bisedë me banorët është shprehur se ardhja e ish-dashurit të Kiarës, lë të kuptohet Butrini, romanca ppublike më e përfolur e moderatores.
Ditën e djeshme Luizi deklaroi se vetëm hyrja e Butrintit në reality-show do t’i prishte lojën. “Ai është problem. Se ti mund të thuash pavarësisht se jam ndarë me të kam raporte miqësore dhe ajo më nxjerr mua jashtë loje komplet. E vetmja gjë që shoh unë, që mund të më largojë komplet jashtë loje, po supozojmë, është që të hyjë ish-i dashuri i Kiarës. Ai më nxjerr jashtë komplet, pa më bërë asgjë, thjesht prania e tij. Sepse unë nuk e kam diçka me Kiarën, diçka të vendosur dhe përsa kohë nuk e kam…Nëse vjen aty do them ‘ishte kënaqësi. Nëse dikush është ende i mërzitur me mua, kërkoj falje’ dhe iki. Nuk rri dot. Nisem me atë idenë ‘Ose unë, ose ky në shtëpi’.”-tha ai.
Butrinti pak para publikimit të këngës më të re “Lule e dashnisë” , diti të shfrytëzojë momentin e të shkuarës dhe përfolja në çdo kohë për të shkuarën e lidhjes me Kiarën, duke e kthzer në favor të tij. Për të promovuar këngën e re publikonte para Primer-it postime të koduara në mediat sociale që linin vend për interpretime.
Megjithatë, sipas gazetarit dhe moderatorit Blendi Salaj në termat e lojës Luizi e ha Butrintin për mëngjes. Duke folur rreth formatit në “Wake Up” ai tha se Butrinti është “0 me xhufkë”.
“Sa i përket lojës së Big Brother Luiz Ejlli e ha Butrintin për mëngjes. Para kafes e ha, e mbaron dhe nuk ka më Butrint. Në termat e lojës Butrinti është një 0 me xhufkë.”– tha Blendi.
