Gjykata e Posaçme, sot ka shtyrë seancën për super të kërkuarin Talo Çela.
Mungesa e dy anëtarëve të trupës gjykuese në Gjykatën e Posaçme është bërë shkak i kësaj shtyrje të seancës.
Burime bëjnë me dije se seanca e ardhshme do të jetë më 25 janar.
Talo Çela ende vijon që të jetë i lirë. Disa operacione për arrestimin e tij kanë dështuar. Ai cilësohet një nga njerëzit më të kërkuar nga drejtësia shqiptare për shkak të akuzave që rëndojnë mbi të si vrasje, grabitje, etj.
Kujtojmë se Talo Çela akuzohet për mega grabitjen e ndodhur më 9 prill të vitit 2019 në Aeroportin e Rinasit, ku u vodhën miliona euro në një avion.
