Një 27- vjeçar është proceduar në gjendje të lirë ditën e sotme pas mos deklarimit të 13.100 euro në pikën kufitare të Kakavijës.
Paratë janë gjetur në sediljen e F. A., dhe i janë sekuestruar pasi nuk kishte bërë deklarimin, sipas ligjit në fuqi.
Pas veprimeve hetimore i riu është proceduar në gjendje të lirë, mbi të rëndon akuza e “Mosdeklarimit në kufi I parave dhe sendeve me vlerë” si dhe “Pastrimi i veprimtarisë kriminale”.
Materialet i kaluan Prokurorisë, për veprime të mëtejshme.
NJOFTIMI I POLICISE
Goditet një rast i mosdeklarimit të të hollave në kufi. Sekuestrohen 13 100 euro, procedohet në gjendje të lirë 27-vjeçari që nuk i deklaroi në kufi, sipas përcaktimeve ligjore.
Bazuar në analizën e riskut, në dalje të RSH-së, shërbimet e Policisë Kufitare, gjatë kontrollit të ushtruar në autobusin e linjës Athinë-Tiranë, në sediljen e drejtuesit, shtetasit F. A., gjetën 13 100 euro, të cilat u sekuestruan në cilësinë e provës materiale. 27-vjeçari nuk e kishte deklaruar këtë shumë parash, sipas përcaktimeve ligjore në fuqi.
Në përfundim të veprimeve hetimore, specialistët e Seksionit për Hetimin e Krimeve Ekonomike dhe Financiare të DVP Gjirokastër referuan materialet në Prokurori dhe nisi procedimi penal në gjendje të lirë për shtetasin F. A., 27 vjeç, banues në Tiranë, për veprat penale “Mosdeklarimi në kufi i të hollave dhe i sendeve me vlerë” dhe “Pastrimi i produkteve të veprës penale ose veprimtarisë kriminale”.
Materialet i kaluan Prokurorisë, për veprime të mëtejshme.
