Liga e Kampioneve rikthehet sot me një ndeshje shumë të fortë, ku Real Madrid do të presë në “Santiago Bernabeu” skuadrën e Mançester Cityt. Dy skuadrat, kërkojnë të bëjnë më të mirën në ndeshjen e parë, në mënyrë që ta kenë sa më të lehtë kthimin.
Rekordmenët e Ancelottit kanë treguar se nuk njohin kundërshtar kur bëhet fjala për përballje të tilla dhe jo rastësisht në 9 edicionet e fundit të Championsit, Reali ka arritur të fitojë 5 prej tyre dhe në total, 14 trofe të Ligës së Kampioneve.
Nga ana tjetër, Pep Guardiola do të provojë të fitojë trofeun e parë me Cityn në Europë. Përmbysja historike që Reali i bëri sezonin e shkuar skuadrës së Cityt, është ende e freskët për ta, kështu që këtë sezon, do të tentojnë hakmarrjen e më pas trofeun me veshë të gjatë.
Benzema në njërën anë dhe Haland në anën tjetër, do të tregojnë se kush është “9” më e mirë në Europë. Benzema ka shfaqur në sezonet e fundit një rendiment të jashtëzakonshëm duke fituar edhe “Topin e Artë” por statistikat e Haland me fanellën e Cityt, janë të frikshme.
