Një ngjarje e rëndë ka ndodhur në Greqi, ku një 27-vjeçar është arrestuar pasi ndërpreu shtatzëninë me dhunë të të dashurës së tij 19-vjeçare. Media greke ERT shkruan se ngjarja ka ndodhur mbrëmjen e së martës në Zakynthos të Greqisë. 27-vjeçari ka shkuar dhe ka marrë nga shtëpia 19-vjeçaren e cila ishte rreth 2-muajshe në pritje të ëmbël.
Sipas të njëjtave informacione, 27-vjeçari pasi ka marrë partneren në shtëpinë e tij, e ka lidhur, e ka rrahur dhe e ka detyruar të marrë mjekim për të ndërprerë shtatzëninë.
Ndërkohë të nesërmen në mëngjes, 27-vjeçari e dërgoi të renë në spitalin e Zakynthos, e cila ndodhet jashtë rrezikut për jetën, por fëmijën e ka abortuar. Pas një denoncimi, persona të Drejtorisë së Policisë së Zakynthos arrestuan dje, të mërkurën, 27-vjeçarin, i cili do të dërgohet në prokurori me akuzën e dhunës në familje, ndërprerjes së shtatzënisë, dëmtimit të rrezikshëm trupor dhe vjedhjes, pasi kishte marrë celularin e partneres së tij.
