Një incident i rëndë ndodhi në rrugën “Tomorr Sinani” në Elbasan, ku një 53-vjeçar ka plagosur ish-bashkëshorten e tij me mjet prerës për motive të dobëta. Ngjarja ndodhi rreth orës 21:15, ku autori e kishte pritur ish-bashkëshorten e tij tek dera, dhe më pas e ka qëlluar me thikë.
Sipas burimeve 48-vjeçarja aktualisht ndodhet nën kujdesin e mjekëve dhe jashtë rrezikut për jetën. Mjeti prerës, i cili ishte hedhur në një kopsht pranë vendngjarjes, është sekuestruar nga autoritetet.
Policia ka arrestuar dhe shoqëruar në komisariat 53-vjeçarin, ndërsa hetimet për zbardhjen e plotë të motiveve të ngjarjes po vazhdojnë. Ky akt dhune ka tronditur komunitetin lokal, por jo vetëm.
