Detaje të reja janë zbardhur pas arrestimit të 64-vjeçarit Zenel Rushitaj në Devoll. I moshuari i cili akuzohet se ka ngacmuar seksualisht një 13-vjeçare, i dërgonte mesazhe të miturës dhe e telefononte orar pa orar.
Këto mesazhe e telefonata janë zbuluar nga familjarët e vajzës të cilët e kanë pyetur edhe se çfarë lidhje kishte me të moshuarin. Mamaja e 13-vjeçares ka deklaruar në polici se i moshuari e kishte kërcënuar vajzën se “do t’i vriste babanë” po të tregonte për ngacmimet. Sipas saj, i moshuari e merrte jashtë fshatit vajzën, e gënjente dhe i jepte lekë.
“Siç më tregoi vajza, kohë më parë e kishte kërcënuar dhe i kishte thënë që po të tregonte për ngacmimet, do t’i vriste babanë. Ja ka thënë muaj më përpara. Vajza më tha që atë që mendoni ju nuk ka ndodhur. Nuk më ka bërë gjë, më ka bërë gjëra të tjera. Më ka prekur me dorë. E njohim si bashkëfshatar, nuk kishim hyrje dalje. Ka dy ditë vajza që më tregoi pasi kapëm mesazhet që ai dërgonte në telefonin e gjyshit. Ne e pamë kur i ra telefoni para 2-3 ditësh, e pa kunata, por nuk tregoi se kishte burrin atje. E mori dy herë, por ne nuk folëm. E merrte jashtë fshatit vajzën, e gënjente, i jepte lekë”.
