Oleg Deripaska, oligarku Putinit i sanksionuar nga SHBA dhe me një lidhje të ngushtë me ish-zyrtarin e FBI, Charles McGonigal, pas përfshirjes në aksionet e hidrocentralit të Shushicës, vijon super vjedhjen në Shqipëri duke përfituar dhe 20 milion euro nëpërmjet 3 tendera mes viteve ‘19-’20.
Në zbardhjen e dokumenteve rezulton se FSHZH me drejtues Dritan Agolli, ka shpallur fitues pikërisht kompaninë e oligrakut rus, “Trema Engieenering 2”.
Tenderi është dhënë për mirëmbajtjen e rrjetit të ujësjellësit Korçë-Përrenjas, në një vlerë prej 10 mln euro.
FSHZH, vijon dhe thellon skandalin duke i akorduar një tjetër tender në vitin 2020 me vlerë 2 mln euro ndërtimin e rrjetit të infrastrukturës
urbane të Shijakut.
Po ashtu, FSHZH nuk ndalet, duke i dhënë tender sërish kompanisë “Trema Engieenering 2” në vitin 2021. Këtë herë, Fondi Shqiptar i Zhvillimit i jep Tenderin me vlerë rreth 8 milionë euro për rikonstruksionin e segmentit rrugor Peshkëpi, hyrja e qytetit të Selenicës.
Ajo që bie në sy është se në dy prej këtyre procedurave kompania “Trema Engieenering 2” nuk ka pasur ofertën më të ulët, megjithatë është shpallur fituese nga Fondi Shqiptar i Zhvillimit. Kompania “Trema Engineering” 2 ka 33 % të aksioneve në hidrocentralin e Shushicës.
Kjo kompani është në pronësi të STRATBAG AG, e cila rezulton me seli të regjistruar në Austri me kapital 12 milionë euro. Kompania ‘Trema Engineering 2″ në pronësi të Oligarku Rus Oleg Deripaska ka edhe dy aksionerë të tjerë të cilët janë shtetas austriak. Përkatësisht Hans Peter Haselsteiner me 28% të aksioneve dhe me po të njëjtën përqindje edhe aksioneri tjetër Klemens Peter Halesteiner.
