Është vënë në prangat e policisë së Sarandës një 29-vjeçar nga Venezuela pasi ka dhunuar të dashurën.
Specialistët për Hetimin e Krimeve të Komisariatit të Policisë Sarandë bëjnë të ditur se është arrestuar në flagrancë shtetasi J. Ch., 29 vjeç, banues në Venezuelë dhe me banim të përkohshëm në Sarandë.
Arrestimi ka ardhur pasi dyshohet se ka ushtruar dhunë fizike ndaj të dashurës së tij. Materialet i kaluan Prokurorisë, për veprime të mëtejshme procedurale.
