Detaje të reja janë bërë të njohura nga dhunimi për vdekje i një çifti të moshuarish në Dropull, të cilët janë gjetur të pajetë në banesën e tyre.
Burime nga policia bëjnë me dije se dyshohet për krim në familje dhe jo grabitje me pasojë vdekjen.
Viktimat janë dy të moshuarit me iniciale Kosta Ilia 84 vjeç dhe Kleoniqi Ilia 88 vjeçe, të cilët u gjetën të pajetë në banesë nga fqinjët.
Nga kqyrja e trupave janë konstatuar shenja dhune që dyshohet se u shkaktuan me mjete të forta rrethanore.
Gjithashtu, nga këqyrja paraprake e vendit të ngjarjes, nuk janë konstatuar thyerje të dyerve apo dritareve, si dhe në brendësi të banesës nuk janë konstatuar çrregullime të orendive.
