E marta në mbrëmje na mblodhi të gjithë pas ekranit për të ndjekur Big Brother Vip Albania edicioni i dytë.
Të shumta ishin diskutimet dhe përplasjet mes banorëve ku tre prej tyre kanë festuar plot 100-ditë qëdrimi në shtëpinë më të madhe në vend.
Për Dea Michelle ishte një mbrëmje plot surpriza ku tek sa prezantonte ‘ Big Brother Vip ‘ i erdhi në studio vëllai i saj.
![](https://tiranapress.al/wp-content/uploads/2023/04/DEA.jpg)
Shtëpia u ndez në debat kur shfaqën klipet përkatëse se çfarë kishin thënë banorët ekzistues për konkurentët e rinj që iu rikthyen garës në spektaklin e së shtunës.
Krisja e miqësisë së Luizit, Efit dhe Kiarës ishte tema e mbrëmjes ku Efi u shpreh se ndihej e zhgënjyer nga çifti dhe më tepër nga moderatorja Kiara Tito e cila duket se ka ndryshuar shumë e nuk është më e njëjta siç ishte para eleminimit nga gara.
Një debat me tone të larta kanë ndodhur mes Kiarës dhe Efit. Duket se hatërmbetja e Kiarës kundrejt Efit nuk ka përfunduar ende.
![](https://tiranapress.al/wp-content/uploads/2023/04/KIE.jpg)
Kiara: Ke qënë me mua shoqe. Prej meje je afruar me Luizin.
Efi: Vërtetë e ke?
Kiara:Po.
Efi: Seriozisht? Tani po e marr vesh unë këtë. Unë jam afruar me Luizin që prej gënjeshtrës që bëri. Në momentin që më thua e pashë situatën dhe nuk ka asgjë , i bie që këtu ka gënjeshtër. Ti përballë meje po gënjen sy më sy. Shumë e shëmtuar kjo që po thua.
Kiara: Shumë e shëmtuar kjo që po bën ti për vëmendje. Ti ke folur për mua jashtë, ndërkohë që unë thoja dua të pi kafe me Efin.
Efi: Unë e kuptoj Luizin, nuk kuptoj Kiarën. E kam pyetur je dakord me situatën e ndodhur, më tha dakord.
Kiara : Prisja një telefonatë nga Efi. Nuk i hedh poshtë kollaj njerëzit, por ti më ke vrarë. Njerëzit që më duan, më vrasin më shumë. Nuk ke hedhur një foto me mua.
Efi: Pavarësisht sa shoqe e kam Kiarën, mendimin do e jap.
Po ashtu një tjetër debat me tone të ashpra ishte mes Bledi Manes dhe Qetsor Ferrunaj ku ky i fundit kishte shprehur se në ushqim do të hidhte shumë kripë që banorët të mos hanin.
![](https://tiranapress.al/wp-content/uploads/2023/04/LUEFQEBLE.jpg)
Bledi: Dallaveret e tua janë pafund, por kur të gatuash mos bëj të tilla gjëra. Është e turpshme të luash me ushqimin.
Qetsori: Do tju hedh kripë pafund, dhe me mua fol mirë.
Bledi: Nuk të kam hyrë në borxh. Me mua bëj lojë të ndershme ose si të duash, për mua nuk je rrezik.
Qetsori: Kripë do tju hedh që mos të hani ushqimin.
Mbrëmja është mbyllur me eleminimin nga gara të Fotinisë duke hequr dorë përfundimisht nga çmimi i madh.