Britney Spears ka pësuar një goditje tjetër pasi ish-bashkëshorti i saj Kevin Federline thuhet se po planifikon të lëvizë me dy djemtë e tyre në Hawaii.
Kevin, 45 vjeç, ka kujdestarinë e vetme të Sean Preston, 17 vjeç dhe Jayden, 16 vjeç, dhe thuhet se dëshiron të zhvendoset nga LA me fëmijët dhe gruan e tij Victoria Prince.
Kjo ndodhi pasi martesa e Britney me Sam Ashgarin thuhet se është në ‘telashe të thella’.
Britney mund të përballet me më shumë dhimbje nëse dy djemtë e saj lëvizin qindra milje larg në Haëaii në korrik.
Sipas raportimeve, Kevin i ka kërkuar avokatit të tij Mark Vincent Kaplan t’i dërgojë një letër avokatit të Britney, Mathew Rosengart, duke e pyetur nëse ajo do të ishte e lumtur që djemtë e saj të zhvendoseshin përgjithmonë në Hawaii.
Burime thanë se arsyeja e lëvizjes është pasi Victoria ka një ofertë pune, Kevin do të punojë si DJ, ndërsa djemtë kanë një jetë më private larg skenës së ngarkuar të Los Anxhelosit.
Ata shtuan se Jayden do të mund të merrte mësime nga distanca, ndërsa Sean do të ishte diplomuar deri në atë kohë.
Dihet që Britney e ka ndarë edhe më parë dhimbjen e saj për marrëdhëniet e tensionuara me djemtë e saj të dashur.
Vitin e kaluar, këngëtarja pranoi se një pjesë e saj kishte vdekur pasi nuk i kishte parë djemtë e saj për gjashtë muaj dhe ata nuk morën pjesë në dasmën e saj me Sam.
Ndërkohë këngëtarja me sa duket po kalon një periudhë të vështirë, pasi martesa e saj është prag divorci.
