Përkeqësimi i motit mesditën e së hënës ka sjellë pasoja të rënda në bujqësi. Kanë mjaftuar vetëm pak minuta breshër që të shkatërroheshin të mbjellat e fermerëve.
Reshjet e dendura të shiut si dhe breshëri kanë shkaktuar dëme masive në pjesën më të madhe të fshatrave të njësive administrative Cakran në Fier.
Breshëri ka shkaktuar dëme në kulturat bujqësore, dru frutore dhe vreshta duke dëmtuar veçanërisht ullinjtë.
Kjo është hera e parë që një breshër i përmasave të tilla sjell dëme kaq të mëdha në zonë thonë fermerët teksa njëzëri apelojnë për ndihmë nga shteti.
Kjo situatë i ka shqetësuar së tepërmi fermerët e tyre të cilët shprehen se i gjithë investimi i tyre shkoi dëm vetëm për pak minuta.
