Beyoncé ka dhënë së fundmi lajmin për një turne botëror, i cili përmban 43 data në mbështetje të albumit të saj ‘Renaissance’ të njohur nga kritikët.
Shfaqjet nisin në Stokholm, Suedi më 10 maj, përpara se të zbarkojnë në stadiumin Principality të Cardiff-it një javë më vonë.
Datat e mëtejshme do të zhvillohen në Mbretërinë e Bashkuar në Edinburg, Sunderland dhe Londër.
Beyoncé e konceptoi albumin si “një vend për të ëndërruar dhe për të gjetur arratisje” gjatë pandemisë.
Javën e kaluar, ylli performoi koncertin e saj të parë pas katër vitesh në hapjen e një hoteli luksoz në Dubai, për të cilin nuk u shfaq asnjë video, përpos atyre të bëra në mënyrë të fshehtë nga fansat.
Ajo thuhet se u pagua 24 milionë dollarë (19.4 milionë £) për shfaqjen e vetme, por u përball me kritika për performancën në një vend ku homoseksualiteti dhe ndryshimi i gjinisë janë të dënushme dhe të jashtëligjshme.
Së bashku me faktin se ky është turneu i saj i parë solo që nga viti 2016, do të thotë se kërkesa për bileta do të jetë e madhe.
Beyoncé mund të zbulojë detaje të tjera në Grammy të kësaj fundjave, ku ajo është në garë për nëntë çmime, duke përfshirë albumin e vitit.
