Një 56- vjeçar ka rënë në prangat e policisë Vlorë pasi në flagrancë i janë gjetur në banesë një automatik dhe municione luftarake.
Nga operacioni i koduar “Marikaj”, policia në cilësinë e provës materiale i kanë gjetur autorit armë zjarri automatik, krehër si dhe municione, të cilat janë sekuestruar nga efektivët e komisariatit Vlorë.
Materialet i kaluan Prokurorisë, për veprime të mëtejshme procedurale.
NJOFTIMI POLICISË:
Iu gjetën armë zjarri automatik dhe municion luftarak, në banesë, arrestohet në flagrancë 56-vjeçari.
Shërbimet e Komisariatit të Policisë Vorë, në vijim të punës për parandalimin dhe goditjen e veprimtarisë kriminale në fushën e armëmbajtjes pa leje, bazuar dhe në informacionet e siguruara në rrugë operative, kanë organizuar punën dhe kanë finalizuar me sukses operacionin policor të koduar “Marikaj”.
Si rezultat i këtij operacioni, u bë arrestimi në flagrancë i shtetasit A. S., 56 vjeç, banues në Marikaj.
Gjatë kontrollit në banesën e 56-vjeçarit, shërbimet e Policisë gjetën dhe sekuestruan, në cilësinë e provës materiale, një armë zjarri automatik, një krehër dhe municion luftarak.
Materialet i kaluan Prokurorisë, për veprime të mëtejshme procedurale.
