Kanë dalë detaje rreth aksidentit të ndodhur në aksin rrugor “Sarandë-Ksamil”.
Policia na bën me dije se shtetasi me inicialet E.A., 20 vjeç, i cili po drejtonte automjetin e tij tip “Benz”, ka përplasur një automjet tip “Lancia” i cili si pasojë e një difekti, po shtyhej nga drejtuesi D. Ç., 24 vjeç, dhe 3 shtetas të tjerë.
Mësohet se drejtuesi i automjetit tip “Lancia” dhe personi që po ndihmonte në shtyrje, shtetasi E. Ç., 15 vjeç, janë dërguar në spital. Bëhet me dije se 15-vjeçari është në gjendje të rëndë.
Njoftimi i Policisë:
Sarandë/Informacion paraprak
Rreth orës 21:40, në aksin rrugor Sarandë-Ksamil, një automjet tip “Benz” me drejtues shtetasin E. A., 20 vjeç, është përplasur me një automjet tip “Lancia”, i cili si pasojë e një difekti, po shtyhej nga drejtuesi D. Ç., 24 vjeç, dhe 3 shtetas të tjerë.
Si pasojë e aksidentit, njëri prej 3 shtetasve, që po ndihmonin drejtuesin e automjetin “Lancia”, konkretisht shtetasi i mitur E. Ç., 15 vjeç, së bashku me drejtuesin shtetasin D. Ç, janë dëmtuar dhe ndodhen në spital, në kujdesin e mjekëve, ku gjëndja shëndetësore e 15-vjeçarit paraqitet e rëndë.
Drejtuesi i automjetit tip “Benz”, shtetasi E. A, është shoqëruar në Komisariatin e Sarandës, për veprime të mëtejshme.
Në vendngjarje ndodhet grupi hetimor dhe po kryen veprimet në lidhje me sqarimin e plotë të rrethanave të aksidentit.
