Një aksident është regjistruar në dalje të Tiranës mesditën e kësaj të hëne.
Dy automjete janë përplasur pranë TEG-ut. Njëra prej makinave ka “fluturuar” dhe ka përfunduar mbi trafikndarëse.
Nga informacionet paraprake, nuk raportohet për persona të lënduar.
Ende nuk bëhen me dije shkaqet e këtij aksidenti, ndërsa nga pamjet e siguruara shihet se ka dëme materiale.
Përplasja e dy makinave ka shkaktuar vështirësi në qarkullimin e mjeteve.
Ndërkohë, policia është nisur drejt vendngjarjes dhe pritet të zbardhë shkaqet dhe rrethanat e aksidentit.
