Në shumë mënyra, seriali i ri, ‘The Last of Us’ përshkruan një apokalips klasik zombish. Një mëngjes të gjithë kanë një jetë normale. Ndërkoh në radio përmendet kaosi në Xhakartë. Dhe kur bie nata, një ‘ish-njeri’ i infektuar ndjek protagonistin. Por këtë herë, është një kërpudhë e cila i kthen njerëzit në zombie.
Një skenar i ri, i realizuar për herë të parë në videolojën ku bazohet shfaqja, i lë shikuesit të pyesin nëse mund të ndodhë vërtet një pandemi fungale.
“Një pandemi fungale është padyshim një mundësi,” i tha Norman Van Rijn, një mikolog që studion infeksionet kërpudhore në Universitetin e Mançesterit.
Asnjë bimë kërpudhore e njohur aktualisht për shkencën nuk përbën një kërcënim të drejtpërdrejtë pandemik për njerëzit, veçanërisht në mënyrën se si shfaqja e portretizon atë.
Megjithatë, infeksionet fungale janë në rritje në mbarë botën, dhe studiuesit janë të shqetësuar se gjithnjë e më shumë njerëzit mundet të jenë në rrezik. Disa madje shqetësohen se shumë patogjenë të rinj mund të lindin nga mbretëria e kërpudhave .
Sëmundjet kërpudhore mund të kalojnë nga kafshët te njerëzit.
“Potenciali është i madh për atë që mund të shfaqet dhe të bëhet një patogjen,” tha Tom Chiller, shefi i degës së sëmundjeve kërpudhore të Qendrave të SHBA për Kontrollin dhe Parandalimin e Sëmundjeve.
