Të gjithëve iu ka rënë në sy këtë të mërkurë moti i pazakontë. Shqipëria u zgjua e mbuluar nga një re pluhuri që shumë kush mendoi se ishte mjegull e zakonshme, por jo. Kemi të bëjmë me një fenomen natyror të zhvendosur nga Afrika Veriore, pluhuri afrikan.
Ambientalisti Sazan Guri i ftuar në emisionin “Good Morning Albanians” , u shpreh se qytetarët duhet të ishin lajmëruar ditë më parë, për këtë fenomen që ndodhi ditën e djeshme në vendin tonë.
Më tej ai shtoi se ky fenomen nuk është shumë i dëmshëm. “Nuk na thanë se ky fenomen do të ndodhë. Duhet të ishte parashikuar moti. Nuk na tha njeri, të kishim mbyllur xhamat. Kishte një mospërputhje mes asaj që po ndodhte dhe asaj që jepej në televizor. Vetëm ai që kishte aplikacion mund të gjente diçka”-tha ai.
