Mesditën e kësaj të hëne, një plagosje me armê zjarri ka ndodhur në zonën e ‘Komunës së Parisit’ në Tiranë.
45-vjeçari Lorenc Kosta është plagosur nga Erjon Goxhara, një punonjës policie, në afërsi të një marketi pranë rrethrrotullimit të Komunës së Parisit.
Mësohet se ngjarja ka ndodhur pas një konflikti që dyshohet të ketë nisur për shkak të ngacmimit të partneres së autorit nga ana e 45-vjeçarit të plagosur.
Policia ka qëlluar 5 herë ndaj 45-vjeçarit dhe më pas është arratisur.
Policia bën të ditur se i plagosuri Lorenc Kosta ndodhet në spital, por ende nuk ka informacione mbi gjendjen e tij shëndetësore.
Grupi hetimor është në vendngjarje dhe po punon nën drejtimin e Prokurorisë për të kapur autorin dhe për të sqaruar rrethanat e incidentit.
