Regjisorja e njohur me origjinë nga Polonia Nastazja Domaradzka vë në skenë për publikun e gjerë shfaqen e titulluar “ ORFEU ZBRET NË FERR “ të dramaturgut dhe skenaristit amerikan | Tennessee Williams.
Shfaqja vjen nën interpretimin e aktorëve Dritan Boriçi, Flaura Kureta, Era Çaushi, Adelina Muça, Igli Zarka, Olta Daku, Ema Andrea, Neritan Liçaj, Genti Deçka, Besmir Bitraku dhe Lulzim Zeqja. Përkthyes i veprës është Artur Lena, skenografe dhe kostumografe Laedia Hajdari, kompozitore Rona Castrioti.
Pak përmbajtje nga tematika e shfaqes
Një i huaj mbërrin në një qytet të vogël të ndarë nga historia dhe thashethemet. Në një qytet ku liria është thjesht një kujtim dhe ndryshimi nuk është veçse një koncept. A mund të ekzistojë dashuria në një vend që është i pushtuar nga dhimbja dhe urrejtja? A mund të na shpëtojë arti vërtet nga dhimbja dhe urrejtja?
Këto përgjigje do ti merni duke ndjekur shfaqen, tek skena e re e teatrit ArTurbina, në datat 13,14,15 dhe 16 Prill në orën 19:00
