Pronari i një kompleksi banimi të shembur dhe shkatërruar totalisht nga lëkundjet e tërmetit të së hënës, Mehmet Yasar Coskun, është ndaluar dhe arrestuar nga policia kufitare në aeroportin Sabiha Gokcen në Stamboll.
Mehmet Yasar Coskun, pronari i një kompleksi banimi të shkatërruar nga tërmeti, u ndalua në aeroportin Sabiha Gokcen të Stambollit teksa po përpiqej të largohej nga Turqia.
Kompleksi “Renaissance Residence” ndodhej në provincën e Hatay në juglindje të Turqisë ndërsa u shkatërruar tërësisht pas dy tërmeteve të fuqishme. Ai po përpiqej të udhëtonte drejt Malit të Zi.
Arrestimi u bë me urdhër të Zyrës së Kryeprokurorit Publik në lagjen Gaziosmanpaşa të Stambollit. Sipas raportit, ai kishte me vete një shumë të parave, të cilat u konfiskuan nga policia. Ende nuk është bërë e ditur zyrtarisht arsyeja e arrestimit të tij.
Kompleksi i apartamenteve 12-katësh kishte gjithsej 250 apartamente dhe ndodhej në lagjen Antakya të Hatayt. Kompleksi është cilësuar si një rezidence luksoze që kishte ‘kaluar’ të gjitha testet e ndërtimit.
Megjithatë, u shkatërrua plotësisht nga një tërmet me magnitudë 7.8 që goditi qytetin e Gaziantepit të hënën në mëngjes, pasuar menjëherë nga një tërmet me magnitudë 7.5 në provincën Kahramanmaras.
