69-vjeçari nga Finiqi, Taqi Bërxulla i cili u shpall i zhdukur ditën e djeshme është gjetur sot i vdekur. Mësohet se dje, i moshuari kishte dalë për të kullotur bagtitë dhe nuk ishte kthyer më në shtëpi.
Por gjatë kontrolleve të sotme nga autoritetet, Bërxulla u gjet i vdekur pranë një greminë afër një manastiri në fshatin Dhivër. Alarmin për zhdukjen e 69-vjeçarit e dhanë mbrëmjen e kaluar familjarët e tij, të cilët nuk po komunikonin dot me të.
Nuk dihen ende rrethanat e ngjarjes, policia vijon hetimet për zbardhjen e plotë të ngjarjes.
