Teatri Kombëtar i Operas dhe Baletit do të vë në skenë në datën 19 maj, koncertin me muzikë dhome të titulluar “Tingujt e Luftës së Parë Botërore”. Një udhëtim emocional, jo vetëm përgjatë viteve të Luftës së Parë Botërore, por edhe mespërmes pjekurisë kompozicionale, do të përjetohet mu në zemër të tempullit të muzikës.
🇪🇸 Pas suksesit të merituar në Spanjë, koncerti me muzikë dhome “Tingujt e Luftës së Parë Botërore”, që do lirojë nga detyra drejtoreshën e Përgjithshme të TKOB-s, Abigeila Voshtina, për t’i veshur mantelin e violinistes që mban në vete që në vegjëli, shoqëruar nga virtuozja në piano, Herta Cane, do t’i kthejë sytë nga kompozitorë të shquar spanjollë, të muzikës klasike.
Me kryeveprat e Granados-it, Debussy-it, Brahms-it dhe Defallës, përjetime të thella do të ketë vetëm në koncertin “Tingujt e Luftës së Parë Botërore”, më 19 maj, ora 20:00, Holli Koncertor.
Biletat mund t’i merrni çdo ditë, nga ora 10:00-14:00 dhe nga ora 16:00-20:00
