Një tërmet me magnitudë 7.8 goditi në orën 04:17 me orën lokale me epiqendër afër qytetit turk të Gaziantepit, në kufirin Turqi-Siri ka shkatërruar vendin duke shkaktuar me qindra viktima e të plagosur. Në njoftimet zyrtare raportohet për 500 te vdekur në Turqi dhe 230 njerëz në Siri, deri tani.
Ekipet e shpëtimit kanë mbëritur menjëherë në zonë për nxjerrjen e trupave dhe shpëtimin e banorëve nga rrënojat.
Ky rregjsitrohet si një nga tërmetet më të fuqishëm që ka goditur Lindjen e Mesme në vite dhe ka vrarë shumë njerëz në Turqi dhe Siri dhe ka bllokuar qindra të tjerë. Kufiri Turqi-Siri ka marr goditjet më të mëdha me shkatërrim të përqendruar në zonat kufitare që strehojnë miliona refugjatë.
Ekziston frika se numri i vdekjeve do të rritet ndjeshëm në orët në vijim. Shumë ndërtesa janë shembur dhe ekipet e shpëtimit janë vendosur për të kërkuar të mbijetuarit nën grumbuj të mëdhenj rrënojash.
Fatkeqësia preku disa provinca turke që shtrihen qindra kilometra, ku miliona qytetarë po përgatiten për temperatura më të ftohta të dimrit.
Punonjësit e shpëtimit po përpiqen të shpëtojnë me qindra njerëz në ndërtesat e shembura të apartamenteve në disa provinca turke përgjatë kufirit me Sirinë, tha qeveria turke. Dhjetëra ndërtesash ishin shembur dhe disa autostrada u dëmtuan ndërsa tronditjet u ndjenë deri në Liban, Qipro, Irak, Egjipt dhe Izrael.
Përditësim ora 10:03
Vijon operacioni i shpëtim-kërkimit në Gaziantep dhe zonat përreth dhe kufirin e Sirisë. Autortetet turke raportojnë shifrat e humbjeve të jetëve me gjasë vijojnë dhe rriten nga momeneti në moment. Deri tani numri ka shkuar mbi 560 persona të vdekur dhe mbi 3000 të plagosur, nuk ka një numër fiks personave të humbur të cilët nuk po gjenden ende.
Përditësim ora 11:17
Kërkimet nën rrënoja vijojnë ende për gjetjen e personave. Numri sa vjen dhe rritet, deri tani rezulton të kenë humbur jetën 640 persona.
Përditësim ora 17:00
Nga ora në orë, numri i viktimave dhe të plagosurve vijon të rritet nga tërmeti shkatërues në Turqi. Autoritetet vendase bëjnë me dije se numri i viktimave ka shkuar mbi 2300 të vdekur. Grupet e kërkim-shpëtimit vijoj ende të nxjerrjen e trupave nga rrënojat.
