S. E., i shpallur në kërkim ndërkombëtar për tentativë vrasje dhe armëmbajtje pa leje, është arrestuar nga policia.
Policia Kufitare e Portit të Durrësit në bashkëpunim me Seksionin Për Hetimin e Krimeve Ndaj Jetës, kanë bërë të mundur kapjen e 31- vjeçarit teksa po përpiqej për t’u future në Shqipëri.
Gjykata e Tiranës ka caktuar masën e sigurisë arrest me burg për S.E. pasi në prill të vitit 2019 në rrugën “Lisi”, në Fushë-Mëzez, në bashkëpunim me persona të tjerë ka qëlluar me armë zjarri ndaj shtetasve D. H. dhe Z. Q.
Materialet procedurale i kaluan Prokurorisë pranë Gjykatës së Rrethit Gjyqësor Tiranë, për veprime të mëtejshme.
