Një stuhi vdekjeprurëse akulli goditi disa pjesë të SHBA-së jugore këtë javë, në të cilat ka ndërprerë udhëtimet dhe ka shkaktuar ndërprerje të gjata të energjisë elektrike në Teksas.
Linjat ajrore amerikane kanë anuluar më shumë se 2,150 fluturime, me aeroportet në Dallas dhe Austin që janë më të prekurat.
Janë raportuar me dhjetëra aksidente makinash, shkak janë rrugët e rrëshkitshme dhe moti i keq, ku për pasojë kanë humbur jetën pesë persona. Reshje të vazhueshme shiu dhe ngrica priten të mbulojnë të gjithë rajonin deri ditën e enjte.
Vetëm në qytetin e Teksas-it, më shumë se 270,000 banorë kanë mbetur pa energji që nga mëngjesi i së mërkurës.
Shërbimi Kombëtar i Motit tha se stuhia e akullit po vazhdon të përshkojë pjesën më të madhe të rrafshinave jugore dhe në mes të jugut.
Stuhia ka sjellë një përzierje të shiut të ngrirë dhe borës në pjesët jugore-qendrore të SHBA-së, duke u përhapur nga Tenesi në Teksas. Më shumë se 12 milionë njerëz, përfshirë Dallas, Fort Worth, Little Rock dhe Memphis janë aktualisht nën një paralajmërim për stuhi akulli.
Parashikohet që shtresa e akullit të arrijë rreth gjysëm centimetri, e cila mund të jetë shkaktarja e disa aksidenteve automobilistike.
