Dalin të dhëna të reja që kanë hedhur dritë për vrasjen e Martin Çeços. Është arritur të rikthehet numri i telefonit të Martin Çeços, i cili u gjet i vrarë në rezervuarin e fshatit Kolanec të Maliqit.
Me anë të numrit të telefonit, është mundur të rikthen 4 profile adresa Facebook-u të të ndjerit, si dhe janë zbardhur bisedat e fundit që ka zhvilluar me persona të ndryshëm.
Pas kërkesës së familjarëve për riaktivizimin e numrit të Martinit, kompania telefonike ka pranuar këtë gjë për verifikime të mëtejshme.
Falë rikthimit aktiv të këtij numri, stafi i emisionit është arritur të hapë adresat e Facebook-ut që ka përdorur Martin Çeço, e veçanërisht dy prej adresave ku ai kishte qenë aktiv ditët dhe orët e fundit të jetës së tij. I gjithë procesi është regjistruar dhe dokumentuar, ndërsa ç’do e dhënë nga këto adresa, me kërkesën e familjarëve të viktimës është ruajtur e plotë.
Bazuar në shqyrtimin e bisedave të Martin Çeços në Facebook, që në mëngjes e deri në orët e mbrëmjes të datës 12 Qershor 2022, Martin Çeço ka qenë i shqetësuar dhe në gjendje të rënduar emocionale.
Atij i ishte premtuar nga dikush se Tina Pajollari ishte bërë tashmë gruaja e tij dhe se kishte pranuar të lidhej e martohej me të. Gjatë asaj dite, Martin Çeço kishte zhvilluar biseda dhe komunikime me persona të ndryshëm gjatë asaj dite.
