Persona të armatosur të cilët hapën zjarr në një sallë koncertesh në Moskë vranë më shumë se 60 njerëz dhe plagosën mbi 100 të tjerë. Sulmuesit të veshur me uniforma hynë në ndërtesë, hapën zjarr dhe hodhën një granatë, sipas një gazetari të agjencisë së lajmeve RIA Novosti në vendngjarje.
Ministri rus i Shëndetësisë Mikhail Murashko tha se 115 persona janë shtruar në spital, duke përfshirë pesë fëmijë, njëri prej të cilëve ishte në gjendje të rëndë. Nga 110 pacientë të rritur, 60 ishin në gjendje të rëndë.
Autoritetet thanë se ka nisur një hetim “terrorist” nga presidenti Vladimir Putin i cili po merr përditësime “të vazhdueshme”, tha zëdhënësi i tij Dmitry Peskov dhe agjencitë ruse të lajmeve.
ISIS deklaroi se luftëtarët e tij sulmuan “një turmë të madhe” në periferi të Moskës dhe “u tërhoqën në bazat e tyre të sigurt”.
Kanalet e lajmeve në Telegram Baza dhe Mash, të cilat janë pranë forcave të sigurisë, shfaqën video të flakëve dhe tymit të zi që dilte nga salla.
