Stiven Shpendi është lojtari i Serie C, djaloshi me origjinë shqiptare shtë pjesë e skuadrës së Çezena ku ka shënuar deri tani 12 gola. Për të riun ky është sezoni i tij i parë si profesionist që luan rregullisht dhe po mundohet të ndihmojë skuadrën e tij të ngjitet në Serie B.
Shpendi ka thënë se “Lidhja me futbollin për mua ka nisur që në moshën 5 vjeçare. Babai është personi që më ka shtyrë drejt këtij sporti”, tregon fillimisht Stiven, i cili e ka gati përgjigjen kur e pyet se çfarë e shtyn për t’u rritur profesionalisht. “Pasioni, pasioni”, thekson sulmuesi, ndërkohë që mbështetja për të dhe vëllain e tij binjak, Kristianin që luan po ashtu te Çezena, është e madhe.
Babai është ai që na këshillon më shumë të dyve, por pranë nesh është e gjithë familja”, shton sulmuesi, i cili tani është pjesë e Shqipërisë U-21 të drejtuar nga Alban Bushi. Debutimin si kuqezi Stiven e ka pasur me Shqipërinë U-19 në kualifikueset e EURO 2022, në një duel të zhvilluar në “Arena Egnatia” në Rrogozhinë.
Gjithashtu ftesa për te Shqipëria U-19 ishte një surprizë, për mua dhe për vëllain tim. Jemi ndjerë shumë krenarë. E luajtëm ndeshjen e parë kundër Francës dhe grumbullimi për ne ishte shumë pozitiv”, vijoi Shpendi, i cili ka disa gjëra për të cilat mund të krenohet edhe pse është në hapat e parë të karrierës.
Fitorja e kampionatit ‘Primavera’ më bën të ndihem krenar, sikurse edhe kalimi në skuadrën e të Çezenës”, shprehet Stiven. Ai është i lumtur për sezonin që po bën në Serie C dhe për golat e shënuar. Të njëjtën gjë me fanellën e Çezenës e ka bërë edhe Erion Bogdani, rekordmeni i golave të shënuar me fanellën e Shqipërisë.
Sigurisht që e njohim Bogdanin si lojtar të kombëtares shqiptare. Këtu në Çezena na e kanë përmendur disa herë”, deklaron futbollisti i skuadrës italiane, i cili nuk dëshiron të përmendë emra kur pyetet se cili futbollist shqiptar apo i huaj e motivon. “I ndjek të gjithë sulmuesit e kombëtares, duke shpresuar që një ditë të bëhem si ata”.
