Sportistja Ilda Lelo u shpall kampione bote në kickbox për peshën 62.5 kg.
Mbrëmjen e djeshme te pallati i sportit në Vlorë ishte sfiduese për ndeshjen e Kik-boksit veçanërisht për sportisten lda Lelo, e cila synonte arritjen e titullit WKU World, ndryshe World Kickbox Union për femra.
Sportistja shqiptare e Flamurtarit e mbrojti denjësisht Shqipërinë duke rrëmbyer dhe mbrojtur titullin kampione e botës për të dytin vit radhazi. Pas pesë raundesh me sportisten turke Tugba Gyl Bozkya, Lelo arriti të përballonte çdo sfidë dhe të rrëmbente titullin kampion.
Emocionet për të ishin të dyfishta pasi arriti të mbronte titullin e kampiones së botës nga njëri vit në vitin tjetër dhe shprehet e lumtur për arritjen e saj. Edhe trajneri i saj Alban Alikaj shprehet për të se ishte një mbrëmje e mrekullueshme dhe ishte krenar për të.
Gjithashtu emocione të forta dhe të shumta patën edhe përballjet e sportistëve të tjerë me kundërshtarët e tyre.
