“Armata” e mirëorganizuar për atentatin ndaj ish-prokurorit Arjan Ndoj, ka vënë as hekurave sot 5 persona dhe 4 ë kërkim.
Me urdhër të SPAK ka nis operacioni “Komploti”, për zbardhjen dhe dokumentimin me prova ligjore të një ngjarjeje të rëndë kriminale, të ndodhur në vitin 2019.
Pjesa më e madhe e antarëve janë pjesë e bandës kriminae në Durrës.
Nuredin Dumani, në dëshminë e tij zbardhi gjithë komplotin dhe dinamikën e për kryerjen e atentatit. Si dhe emrat e organizatorëve si Akil Nerjaku, Plarent Dervishaj, Julian Mecaj, Bashkim Haxhiaj dhe Marsel Decka.
Ndaj tyre SPAK lëshoi urdhër arreste pas operacionit të ditës së djeshme në banesën e Ramazan Rrajës.
Nga 5 emrat, vendimi u ekzekutua për Akil Nerjakun që i shpëtoi një atentati me snajper më 12 shtator 2022 në Durrës.
Plarent Dervishaj rezulton në kërkim për një tjetër çështje, ndërsa dyshohet se ndodhet në Dubai. 3 emrat e tjerë nuk dihet ende se ku ndodhen.
SPAK dje urdhëroi edhe shoqërimin e Ramazan Rrajës, por gjatë kontrollit nuk u gjet në banesë. SPAK akoma nuk ka bërë njoftim zyrtar dhe detaje për operacionin në fjalë.
Atentati ndaj prokurorit Ndoja
Në vitin 2019 një atentat iu bë ndaj ish- prokurorit Arjan Ndoja, Ngjarja ndodhi më 1 nëntor të vitit 2019 në autostradën Tiranë-Durrës në afërsi të mbikalimit të Shkozetit. Ditën e ngjarjes Prokurori Ndoja ishte në automjet me një person me precedentë penalë, të njohur si i “forti i Sukthit”, Landi Muharremi nga Sukthi, dhe me Andi Malokun, ish-punonjës i policisë në komisariatin e Krujës, shofer i prokurorit, i cili mbeti i vdekur. Makinës ‘Benz’ me targë AA 333 ZD (që rezultoi në pronësi të Fadil Çallikut) dhe në përdorim nga Prokurorit Ndoja, ju bë atentat pranë mbikalimit të Shkozetit kur u qëllua ndaj tyre me breshëri automatiku nga një tjetër automjet. Pas breshërisë së tetë plumbave makina doli nga rruga, ndërsa të plagosurit u transportuan me makinë private. Në spital humbi jetën shoferi i prokurorit, Andi Maloku 30 vjeç, i cili kishte marrë një plumb në gjoks dhe nuk mundi t’i mbijetonte plagëve. Nën akuzë për atentatin ndaj Ndojës janë Redjan Rraja dhe Ariol Halili.
