Mbrojtësi turk Merih Demiral ka bërë gjestin prekës duke u solidarizuar me banorët e Turqisë duke nxjerr në ankand fanellën me firmën e Cristiano Ronaldos.
Të gjitha fitimet monetare do të shkojnë në ndihmë për personat e prekur nga tërmeti katastrofik në Turqi dhe Siri.
Lëkundjet e tërmetit me magnitudë 7.8 ditës së hënë shkatërroi me qindra ndërtesa, ndërtesa dhe vrau mijëra njerëz, dhe Demiral, ish-lojtari i Juventusit, me anë të një publikimi në rrjetet sociale shkruan se do të bëjë gjithçka që mundet për të ndihmuar ata që janë shkatërruar nga fatkeqësia natyrore.
Koleksioni i tij personal i fanellave përfshin një fanellë të nënshkruar nga Ronaldo nga koha kur ylli portugez luante me Juventusin dhe ai do ta nxjerrë në ankand.
“Sapo fola me Cristianon. Ai tha se ishte shumë i trishtuar për atë që ndodhi në Turqi. Ne po nxjerrim në ankand fanellën e nënshkruar të Ronaldos nga koleksioni im. Të gjitha të ardhurat nga ankandi do të përdoren në ndihmë të zonave të prekura nga tërmeti”, shkroi Demiral, mbrojtësi turk.
Postimi i Demiral mori menjëherë dhjetëra mijëra pëlqime, dhe futbollistët e tjerë tani po ofrojnë gjithashtu kujtimet e tyre në ankand. Gjithashtu edhe Bonuçi do të nxirrte në ankand një fanellë të nënshkruar të Juventusit.
Demiral zgjodhi bamirësinë turke Ahbap si vendin e tij të preferuar për ë dhuruar, por organizatat ndërkombëtare si Gjysmëhëna e Kuqe Turke dhe Save the Children janë ndër organizatat e tjera që aktualisht pranojnë donacione pasi ndihmojnë njerëzit në terren në Turqi dhe Siri.
