Një balonë gjigande në madhësinë e tre autobuzave të transportit publik është parë ditë e fundit në vijën ajërore të Shteteve të Bashkuara të Amerikës.
Pas dyshimeve për spiunazh nga Kina, ndërhyrjet kanë qenë të menjëhershme, nga Pentagoni për dërgimin e avionëve ushtarak për rrëzimin e objektit madhështor.
SHBA-së me anë të një deklarate konfirmon se të tilla balona ‘spiune’, kanë qarkulluar në pesë kontinente.
“Kina ka një flotë globale balonash vëzhgimi të ngjashme me atë që u rrëzua ditët e fundit”- tha zyrtarja amerikane Karine Jean-Pierre.
Gjithashtu nënvizoi se Shtetet e Bashkuara kanë pasur kontakte me aleatët me të cilët po zhvillohen biseda diplomatike rreth çështjes.
Sa i përket mundësisë për një bisedë mes Presidentit Biden dhe Xi Jinping, Jean-Pierre raportoi se momentalisht “kjo nuk është në rendin e ditës”.
Edhe pse Kina ka thënë gjithmonë se këto janë balona meteorologjike, inteligjenca amerikane dyshon se balona është pjesë e një programi të gjerë mbikëqyrjeje të menaxhuar nga ushtria e Pekinit në provincën e vogël kineze të Hainan.
