Aplikacioni WhatsApp, do të përballet me një gjobë maksimale prej 51,500 dollarëve, pasi Rusia e akuzoi platformën se ajo dështoi në fshirjen e përmbajtjeve të ndaluara.
Ndonëse platforma Meta u ndalua vitin e kaluar në Rusi si një organizatë ekstremiste, aplikacioni i cili është gjerësisht i popullarizuar në Rusi nuk është kërcënuar më parë me procedura ligjore për dështimin në heqjen e informacionit të ndaluar.
Gjithashtu në raport shkruhej se çështja administrative ishte paraqitur nga rregullatori i komunikimeve “Roskomnadzor”.
Në fillim të fushatës së saj ushtarake në Ukrainë, Rusia prezantoi ligje të ashpra të censurës ushtarake, sipas të cilave janë gjobitur kompani të ndryshme të teknologjisë, duke përfshirë Google, Wikipedia dhe Discord.
