Real Madridi e ka fituar kupën e parë dhe El Clasicon e parë për vitin 2024, pasi në finalen e Superkupës së Spanjës mposhti Barcelonën me rezultat bindës 4-1.
Vinicius Junior me tre gola shkëlqeu në këtë takim, ndërsa një gol shtoi edhe Rodrygo. Në anën tjetër për Barcelonën golin e vetëm e shënoi Robert Lewandowski.
Carlo Ancelotti siguroi trofeun e tij të 11-të në krye të Realit, ndërsa shijoi një super Vinicius Jr, autor i një “triplete”. Braziliani ishte në një mbrëmje fantastike, realizoi tre gola, fitoi një 11-metërsh, dhuroi një asist, praktikisht bëri gjithçka. Ancelotti kapi “mat” Xavi-n që në minutën e 7-të me një kundërsulm të shpejtë të finalizuar nga Vinicius Jr.
Tre minuta më pas, me një aksion thuajse fotokopje, Vinicius Jr realizoi edhe golin e dytë, këtë herë i shërbyer nga Rodrygo. Barcelona u përpoq të rikthehej në lojë me Robert Lewandowski-n, polaku realizoi një super gol në minutën e 33-të duke ngushtuar shifrat në 2-1. Festa nuk zgjati shumë pasi në të 39-të, Vinicius Jr fitoi një penallti. Nga pika e bardhë, ylli brazilian u tregua i saktë duke kompletuar “tripletën” e tij personale. Në pjesën e dytë, në minutën e 64-të, ishte Rodrygo që brenda në zonë realizoi edhe golin e katërt për Real Madrid.
Si të mos mjaftonte dominimi i Realit, Barça mbeti me 10-të lojtarë pas minutën e 71-të teksa Araujo u ndëshkua me kartonin e dytë të verdhë duke bërë që pjesa e mbetur e sfidës të mos kishte shumë histori, me Realin që festoi në Riad me trofeun e Superkupës në duar.
Lojtari më i mirë i ndeshjes sipas SofaScore, padyshim ishte Vinicius që u vlerësua me notën 10-të.
Pas tij paraqitje të mirë kishin edhe Rodrigo (8.3) dhe Jude Bellingham (7.9).Te Barcelona nota kaluese morën vetëm Ilkay Gundogan (7.8) dhe Lewandowski (7.3), ndërsa më të dobëtit në fushë ishin Alejandro Balde (5.8) dhe Ronaldo Araujo (5.9
