Dekada pas zhdukjes së tij, minutat e fundit të pilotit Frederick Valentich ende kanë mbetur një mister për njerëzit. 20-vjeçari, Valentich kishte fluturuar nga King Island në brigjet jugore të Australisë për në Moorabbin, që ndodhet në jug-perëndim të Melburnit, kur dërgoi një transmetim të çuditshëm në kullën e kontrollit të trafikut të aeroportit.
Piloti australian pretendoi se kishte parë një avion misterioz që fluturonte sipër tij duke bërë lëvizje të çuditshme. Menjëherë pas bisedës së tij të fundit me personat që ndodheshin në kullë, Valentich u zhduk. Pas zhdukjes së tij, ka pasur shumë teori për atë që mund të ketë ndodhur me pilotin e ri.
