Mijëra persona kanë dalë për të protesuar në rrugët e Beogradit, nën sloganin “Serbia kundër dhunës”.
Protesta është organizuar nga partitë opozitare të Serbisë dhe synimi është dorëheqja e presidentit Aleksandër Vuçiç.
Pasdy vrasjeve massive që kanë ndodhur në Serbi, qytetarët ndihen të frikësuar pasi shteti nuk ka marrë masa, ndaj ata kërkojnë largimin e menjëhershëm të presidentit.
Pas thirrjeve ‘Vuçiç largohu’ para Parlamentit të Serbisë, protestuesit kanë nisur ecjen nëpër rrugë.
Thirrjet janë dëgjuar edhe përpara objektit të Qeverisë së Serbisë, ku janë mbajtur, po ashtu, protesta.
Një ditë më parë, në Parlamentin e Serbisë kanë nisur diskutimet për situatën e sigurisë në shtet, dhe shkaqet që kanë çuar në dy vrasjet.
Në mesin e kërkesave të tjera gjithashtu ka qenë edhe dorëheqja e ministrit të Policisë, Bratislav Gashiq dhe e drejtorit të Agjencisë së Informacionit dhe Sigurisë (BIA), Aleksandar Vulin.
Pas tragjedisë që ka ndodhur në shkollën fillore “Vladislav Ribnikar”, Branko Ruzhiq ka dhënë dorëheqje nga pozita e ministrit të Edukimit.
Më 3 maj, një nxënës 13-vjeçar i ka vrarë tetë nxënës dhe një roje sigurimit, si dhe i ka plagosur gjashtë nxënës tjerë dhe një mësues.
