Presidenti i Venezuelës, Nicolas Maduro, deklaroi se do të ndërpresë marrëdhëniet me WhatsApp, duke pretenduar se aplikacioni popullor i mesazheve në pronësi të kompanisë amerikane Meta përdoret nga “grupet fashiste” për të kërcënuar Venezuelën.
‘Do t’i ndërpres marrëdhëniet me WhatsApp, sepse po e përdorin për të kërcënuar Venezuelën dhe pastaj do ta fshij WhatsApp nga telefoni im përgjithmonë.
Pak nga pak do t’i transferoj kontaktet e mia në Telegram. Përmes WhatsApp ata po kërcënojnë ushtrinë venezueliane. Përmes WhatsApp ata kërcënojnë këdo që nuk flet në favor të fashizmit. Hapi i parë: tërheqje vullnetare, progresive dhe radikale nga WhatsApp’.
Më tej Maduro u kërkoi venezuelianëve ta ndiqnin në aplikacionet Telegram dhe WeChat.
