Në një bisedë telefonike me presidentin rus Vladimir Putin, homologu turk Recep Tayyip Erdogan ka kërkuar sot “ndërprerjen e menjëhershme” të luftës në Ukrainë raportojnë mediat turke .
Presidenti Erdogan falenderoi Putinin për qëndrimin e tij pozitiv kur bëhet fjalë për zgjatjen e kontratës për eksportin e drithit nga porti i Detit të Zi dhe shtoi se të dy vendet duhet të ndërmarrin hapa të mëtejshëm për sa i përket bashkëpunimit ekonomik.
Në deklaratën e Kremlinit thuhet se të dy presidentët kanë biseduar për situatën në Siri.
Ata theksuan se është e nevojshme të vazhdohet normalizimi i marrëdhënieve midis Turqisë dhe Sirisë dhe theksuan rolin konstruktiv të Rusisë si ndërmjetës, thuhet në deklaratë.
