Pas largimit të Goce Sedloskit, Vllaznia ka zgjedhur Migen Memellin për teknik të skuadrës.
Mes shumë alternativash si Edi Martini, Armando Cungu e të tjerë, drejtuesit e klubit shkodran vendosën t’ia besojnë detyrën e trajnerit 43-vjeçarit që më parë ka drejtuar Skënderbeun dhe Laçin.
Memelli merr vendin e maqedonasit Goce Sedloski, që u largua me mbylljen e sezonit. Memelli është prezantuar sot në zyrat e klubit ku shkodran, ku mes të tjerësh ka theksuar: “Është një përgjëgjësi e madhe, garantoj përkushtim dhe ndërshmëri. Shkodra meriton shumë”.
Trajneri i ri do të debutojë në kompeticionet europiane në stolin e Vllaznisë, konkretisht në Ligën e Konferencës, ku kundërshtari i parë nuk është mësuar ende. Ndihmës i Memellit do të jetë ish-futbollisti shkodran, Ndriçim Shtubina.
Prezantimi i trajnerit të ri është bërë nga drejtori sportiv, Elvis Plori.
