Një Sinagogë historike e Bruklinit që shërben si qendra e një lëvizjeje hebreje me ndikim Hasidike u shkatërrua këtë javë gjatë një mosmarrëveshjeje të pazakontë në komunitet që filloi me zbulimin e një tuneli të fshehtë nëntokësor dhe përfundoi në përleshje midis adhuruesve dhe policisë.
Konflikti shpërtheu në selinë globale të lëvizjes Chabad-Lubavitch në Crown Heights, një vend thellësisht i nderuar hebre që çdo vit pret mijëra vizitorë, duke përfshirë studentë ndërkombëtarë dhe udhëheqës fetarë. Fasada e saj Gothic Revival, e njohur menjëherë nga adhuruesit e lëvizjes Chabad, ka frymëzuar dhjetëra kopje në të gjithë botën.
Por të martën, sinagoga mbeti e mbyllur nga barrikadat e policisë ndërsa agjentët e sigurisë së ndërtesave të Nju Jorkut inspektuan nëse një tunel i gërmuar pa leje zyrtare mund të ketë shkaktuar dëme strukturore në pronën e famshme.
Zyrtarët dhe vendasit thanë se të rinjtë në komunitet ndërtuan kohët e fundit kalimin për në shenjtërore në fshehtësi. Kur drejtuesit e grupit u përpoqën ta mbyllnin të hënën, ata organizuan një protestë që u shndërrua në dhunë ndërsa policia u fut për të arrestuar.
Video nga vendngjarja tregonin besimtarët që godisnin e vandalizonin makineritë e ndërtimit, të cilat kishin nisure të pomponin betonin nëpër tunele. Të tjerë shiheshin që hynin e dilnin nga kalimet e nëndheshme duke tentuar të ndalonin prishjen e tyre. Grupi u konfrontua me policinë, teksa pamjet kishin marrë miliona klikime e komente në rrjet. Në një tjetër video, një besimtar i ri hebre del jashtë vjedhurazi nga kalimi i nëndheshëm e më pas largohet me vrap.
