Lajmi se Microsoft do të përfshinte aftësitë e inteligjencës artificiale të ngjashme me ChatGPT në motorin e kërkimit Bing bëri që numri i shkarkimeve të këtij aplikacioni të rriteshin 10 herë. Ky aplikacion gjendet tashmë në Top Charts të App Store, ku në SHBA renditet në vendin e 12 midis gjithë aplikacioneve të tjera në App Store.
Nga ana tjetër Edge Browser i Microsoft gjendet tashmë në vendin e 3-të në listën e Utility App. Data.ai ka treguar se në mbarë botën numri i shkarkimeve ka parë një rritje të konsiderueshme në numrin e shkarkimeve.
Kjo lëvizje kaq e madhe tregon dhe një herë interesin e lartë të përdoruesve drejt shërbimeve AI të reja. Përdoruesit janë të gatshëm të zëvëndësojnë përdorimin e Google në jetën e tyre të përditshme me motorin e kërkimit Bing, i cili deri pak kohë më parë nuk mund të krahasohej dot me Google.
Ditën e martë, Microsoft prezantoi pamjet e para të eksperiencës së re në Bing.com, ku përfshihej integrimi i shumëpritur i teknologjisë AI. Nëpërmjet këtij shërbimi përdoruesit mund të bisedojnë me chatbot duke kërkuar informacione të ndryshme.
Megjithatë dhe pse teknikisht versioni i ri i Bing është lançuar, jo të gjithë përdoruesit kanë fituar akses.
