Viti që lamë pas ishte ndër më të sukses’shmit për argjentinasin 35-vjeçar Lionel Messi. Botërori Qatar 2022 do ti jepte një tjetër shkëlqim yllit të futbollit.
Triumfi në Qatar i ka shijuar aq shumë, sa 35- vjeçari tashmë kërkon që ta përsëritë edhe një herë.
Plani i tij për të ardhmen sheh pikërisht nga Botërori 2026, kur mendon se do të jetë edhe fundi i karrierës së tij.
Iberikët janë të bindur se ky vendim i jep fund ëndrrës së tifozëve të Barcelonës për ta parë edhe një herë me fanellën e tyre, pasi ai po planifikon edhe një tjetër sezon te PSG thonë mediat spanjolle.
Më pas, karrierën do ta vazhdojë deri në vitin 2026 në SHBA, në kampionatin amerikan, për të përgatitur sa më mirë pjesëmarrjen në Kupën e Botës e cila zhvillohet pikërisht në këtë vend.
Kështu, ai do të mbyllte karrierën në moshën 39-vjeçare dhe në rast të një suksesi, do të bënte daljen perfektë nga skena e futbollit botëror.
