Guvernatori Mikhail Vedernikov njoftoi të shtunën në mbrëmje se një sulm nga dy dronë shkaktoi një shpërthim në rajonin Pskov të Rusisë pranë kufirit me Bjellorusinë që la të dëmtuar ndërtesën administrative të një tubacioni nafte.
Vedernikov nuk e drejtoi gishtin nga Ukraina, por Moska më parë ka fajësuar Kievin për incidente të ngjashme, disa prej të cilave kanë shkaktuar dëme në njerëz, dhe prona qindra kilometra larg kufirit të saj me Ukrainën.
Ukraina nuk e ka pranuar publikisht fillimin e sulmeve kundër objektivave brenda Rusisë, por zyrtarë të lartë në Kiev me raste janë dukur të mirëpresin lajmet për sulme të suksesshme me dron në tokën ruse.
Nuk pati asnjë reagim zyrtar nga Ukraina.
“Ndërtesa u dëmtua si rezultat i një sulmi nga dy mjete ajrore pa pilot,” tha Vedernikov.
Ai gjithashtu tha se nuk kishte viktima dhe se një grup operativ që do të jepte konkluzionet përfundimtare po punon në vendngjarje.
Incidenti ndodhi pranë fshatit Litvinovo, më pak se 10 km (6.2 milje) nga kufiri i Rusisë me Bjellorusinë.
