Milano-Barcelonë pritet të përfshihet në një shkëmbim të nxehtë gjatë merkatos së verës, pasi dy klubet ndajnë disa objektiva të përbashkët. Prej kohësh është përfolur për një shkëmbim të bujshëm Brozovic-Kessie, një temë të cilën e ka rikthyer sërish në vëmendje shtypi i shkruar iatalian
Sezoni nuk ka përfunduar ende, por përgatitjet për atë të ardhshmin kanë nisur dhe padyshim që shumë nga rezultatet do të varen nga merkatoja. Në këtë drejtim po lëvizin edhe drejtuesit e Interit dhe ata të Barcelonës që pas takimit të marsit, kanë pasur ditën e djeshme një tjetër mbledhje mes tyre.
Drejtori sportiv i zikaltërve, Piero Auzilio, ka udhëtuar drejt Spanjës, ku ka takuar homologun e tij katalanas, Mateu Alemani, dhe po ashtu agjentin Eduardo Crnjar. Takimi me këtë të fundit në fakt ka ngjallur jo pak kuriozitet, duke pasur parasysh emrat që përfaqëson.
Kroati nuk është më i paprekshëm në Milano, në sytë e Inzaghi-t titullar në rolin e regjisorit është Calhanoglu, ndërsa Kessie nuk ka qenë kurrë një preferencë e parë për Xavi-n.
Në përfundim të këtij sezoni, drejtuesit e klubit zikaltër duhet të ribëjnë mbrojtjen nga e para. Skriniar pret sezonin e ri për tu transferuar te PSG, De Vrij është në skadencë të kontratës ndërsa D’Ambrosio është i destinuar të largohet. Një temë më vete është edhe e ardhmja e Bastonit.
